საქართველოს ტექნიკური უნივერსიტეტის სამეცნიერო შრომების კრებული არის არაკო­მერ­ციული ყოველკვარტა­ლური რეფერირებადი პერიოდული გამოცემა.

• გამოსაქვეყნებელი სტატიები მიიღება ქართულ და ინგლისურ ენებზე (ქვეყნდება ორიგინალის ენაზე).
• დასრულებული ჟურ­ნალის PDF ვერსია აიტვირთება საიტზე (shromebi.gtu.ge) ყოველი კვარტლის ბოლოს; ბეჭდური ვერსია გაიყიდება სტუ-ის წიგნის მაღაზიაში.
• ავტორს შეუძლია საქართველოს ტექნიკური უნივერსიტეტის სამეცნიერო შრომების კრებულში პუბლიკაციისათვის სტატია (ერთი ან რამდენიმე) მოგვაწოდოს ელექ­ტრონული ფოს­­ტით sagamomcemlosakhli@yahoo.com ან publishing@gtu.ge მისამართზე − (doc ან docx ფაილის სახით (MS Word). სტატიები მიიღება მუდმივად. სტატიას უნდა ახლდეს დოკუმენტაციის დასკა­ნერე­ბული ფაილე­ბი (PDF). კრებულის ერთ ნომერში გამოქვეყნდება ერთი და იმავე ავტორის ან ავტორთა ჯგუფის მხოლოდ ორი სტატია.

• ვინაიდან საქართველოს ტექნიკური უნივერსიტეტის შრომების კრებული არის არაკომერ­ცი­ული გამოცემა, სტუ-ის მეცნიერი თანამშრომლებისა და სამივე საფეხურის სტუდენ­ტე­ბი­სთვის სტატიის გამოქვეყნება უფასოა.

ელ. ფოსტით სტატიის გამოგზავნის შემთხვევაში გთხოვთ, გაითვალისწინოთ შემდეგი მოთხოვნები:

• Subject ველში (თემა) მიუთითეთ კრებულის დასახელება და ავტორის (ავტორების) გვარი.
• ​გამოიყენეთ ფაილის მიმაგრება (Attach).
• დიდი მოცულობის ფაილის შემთხვევაში გამოიყენეთ არქივატორი (ZIP, RAR).
• ავტორი (ავტორები) და რეცენზენტები პასუხს აგებენ სტატიის შინაარსზე (სტატია შედგენილი უნდა იყოს მართლმეტყველებისა და ტერმი­ნოლოგიის დაცვით), აქტუალურობაზე.

გთავაზობთ სამეცნიერო სტატიის გაფორმების წესს:

• სტატია წარმოდგენილი უნდა იყოს ნაბეჭდი სახით A4 ფორმატის ფურცელზე, გვერდების რაოდენობა 5 და მეტი (არეები – 2 სმ, ინტერვალი – 1,5);
• სტატია შესრულებული უნდა იყოს doc ან docx ფაილის სახით (MS Word) და ჩაწერილი ნებისმიერ მაგნიტურ მატარებელზე;
• ქართული ტექსტისთვის გამოიყენეთ ფონტი Sylfaen, ზომა 12;
• ინგლისური ტექსტისთვის – ფონტი Times New Roman, ზომა 12.

სტატიას უნდა ერთოდეს შემდეგი ინფორმაცია:

• უაკ (უნივერსალური ათობითი კლასიფიკაცია) კოდი;
• ცნობები ავტორის (ავტორების) და რეცენზენტების შესახებ ქართულ და ინგლისურ ენებზე:

ყველა ავტორის სახელი და გვარი სრულად, E-mail-ი, სამეცნიერო წოდება და საკონტაქტო ტელე­ფონი.

დეპარტამენტის დასახელება. ორგანიზაციის სრული სახელწოდება:

ყოველი ავტორის მუშაობის ადგილი, ქვეყანა, ქალაქი.

რეცენზენტთა გვარები და სახელები სრულად, მათი ელექტრონული ფოსტის მისამართი, სა­მეც­ნიერო წოდება, დეპარტამენტის ან სამუშაო ადგილის დასახელება.

სტატიას უნდა ახლდეს:

• ანოტაცია ქართულ და ინგლისურ ენებზე (100–150 სიტყვა).

• ანოტაცია არის სტატიის შინაარსისა და მასში გად­მო­ცე­მუ­ლი კვლევის შედეგების შესახებ ინფორმაციის წყარო. სწორედ იგი გან_­სა­ზ­ღ­ვ­რავს ინტერესს მეცნიერის ნაშრომის მიმართ და, მაშასადამე, სურვილს, დაიწყოს დის­კუ­სია ავტორთან, გამოითხოვოს სტატიის სრული ტექსტი და ა.შ.

ანოტაცია უნდა იყოს:

• ინფორმაციული (არ უნდა შეიცავდეს ზოგად სიტყვებსა და ფრაზებს); უნდა იყოს აღნიშ­ნუ­ლი, თუ რამ განაპირობა მოცემული სტატიის აქტუალურობა;
• ტექსტის შინაარსი ინგლისურ ენაზე უნდა იყოს ორიგინალური;
• უნდა ასახავდეს სტატიის ძირითად შინაარსსა და კვლევის შედეგებს;
• სტრუქტურირებული (მიჰყვებოდეს სტატიაში შედეგების აღწერის ლოგიკას).

სტატია უნდა შეიცავდეს:

• სტატიის საგანს, თემას, მიზანს (რომლებსაც უთითებთ იმ შემთხვევაში, თუ ეს არ არის ც­­ხა­დი სტატიის სათაურიდან);
• კვლევის ჩატარების მეთოდს ან მეთოდოლოგიას;
• შედეგების გამოყენების არეალს;
• საკვანძო სიტყვებს, დალაგებულს ანბანის მიხედვით (ქართულ და ინგლისურ ენებზე);
• შემდეგ ნაწილებს: შესავალი, ძირითადი ნაწილი, დასკვნა, რომლებიც გამოყოფილი უნდა იყოს ძირითადი ტექსტისგან;
• თუ სტატია შეიცავს სურათებს ან ფოტოებს, საჭიროა, მოგვაწოდოთ მათი კომპიუტერული ვარიანტი, ნებისმიერი გრაფიკული ფორმატით, გარჩევადობა – არანაკლებ 150 dpi-სა;
• გამოყენებულ ლიტერატურას ინგლისურ ენაზე.

წარმოგიდგენთ გამოსაქვეყნებელ სტატიაში გამოყენებული ლიტერატურის გაფორმების წესს:

სტუ-ის „შრომებში“ გამოიყენება ამერიკის ფსიქოლოგიური ასოციაციის (APA) სტილი. გამო­ყე­ნე­ბუ­ლი ლიტერატურის APA - სტილით გაფორმების წესი დეტალურად იხილეთ დანართის სახით.

ლიტერატურა (ნიმუში)

წიგნი ერთი ავტორით

• Sheril, R. D. (1956). The ter rifying future: Contemplating color television. San Diego: Halstead.

წიგნი ორი ან მეტი ავტორით

• Smith, J., & Peter, Q. (1992). Hairball: An intensive peek behind the surface of an enigma. Hamilton, ON: McMaster University Press.

სტატია წიგნში

• Mcdonalds, A. (1993). Practical methods for the apprehension and sustained containment of supernatural entities. In G. L. Yeager (Ed.), Paranormal and occult studies: Case studies in application(pp. 42–64). London: OtherWorld Books.

სტატია ჟურნალში განცალკევებული გვერდების ათვლით

• Crackton, P. (1987). The Loonie: God's long-awaited gift to colourful pocket change? Canadian Change, 64(7), 34–37.

სტატია ჟურნალში მიმდევრობითი გვერდების ათვლით

• Rottweiler, F. T., & Beauchemin, J. L. (1987). Detroit and Narnia: Two foes on the brink of destruction. Canadian/American Studies Journal, 54, 66-146.

სტატია ყოველკვირეულ ჟურნალში

• Henry, W. A., III. (1990, April 9). Making the grade in today's schools. Time, 135, 28–31.

სტატია გაზეთში

• Wrong, M. (2005, August 17). Misquotes are "Problematastic" says Mayor. Toronto Sol, p. 4.

სამთავრობო დოკუმენტი

• Revenue Canada. (2001). Advanced gouging: Manual for employees(MP 65–347/1124). Ottawa: Minister of Immigration and Revenue.

გთავაზობთ სტატიის წარმოდგენისთვის საჭირო დოკუმენტაციის ჩამონათვალს საქართველოს ტექნი­კური უნივერსიტეტის თანამშრომლებისა და სამივე საფეხურის სტუდენტებისთვის:

• ორი რეცენზია (იხ. რეცენზიის გაფორმების წესი.)
• ფაკულტეტის სასწავლო-სამეცნიერო ლიტერატურის დარგობრივი კომისიის ოქმის ამონაწერი (ჩამოტვირთეთ დანართი 1); ან სამეცნიერო კვლევითი ინსტიტუტის სამეცნიერო საბჭოზე სტატიის განხილვის აქტის ამონაწერი (ჩამოტვირთეთ დანართი 2)
• დოკუმენტები დამოწმებული უნდა იყოს ფაკულტეტის ბეჭდით.
• ანტიპლაგიატის დამადასტურებელი დოკუმენტის მოკლე ანგარიში შემოწმებული პროგრამა https://strikeplagiarism.com/en/-ის მეშვეობით.

ინფორმაცია:

• საქართველოს ტექნიკური უნივერსიტეტის აკადემიური საბჭოს №200 დად­გე­ნილებით (22.01.2010 წ.), ფიზიკურმა პირმა, რომელიც არ არის საქართველოს ტექ­ნი­კური უნივერსიტეტის თანა­მშრომელი და სტუდენტი, შრომების კრებულში სტატიის გამოქ­ვეყნებისთვის წინასწარ უნ­და შეიტანოს ან გადმორიცხოს საჭირო თანხა (1 გვერდი – 10 ლარი) და სტატიის დოკუმენტაციას (ორი რეცენზია და ორგანიზაციის სამეცნიერო საბჭოს მიმართვა სტატიის სტუ-ის შრომების კრებულში გამოქვეყნების შესახებ) დაურთოს გადახდის ქვითარი.

გრაფაში „გადახდის დანიშნულება“ უნდა ჩაიწეროს სტატიის გამოქვეყნების ღირებულება.

სტუ-ის საბანკო რეკვიზიტებია: სსიპ საქართველოს ტექნიკური უნივერსიტეტი;

საიდენტიფიკაციო კოდი 211349192;

მიმღების ბანკი: სახელმწიფო ხაზინა;

მიმღების დასახელება: ხაზინის ერთიანი ანგარიში;

ბანკის კოდი: TRESGE22;

მიმღების ანგარიში: სახაზინო კოდი 708977259.

პირმა, რომელიც არ არის საქართველოს ტექ­ნი­კური უნივერსიტეტის თანამშრომელი და სტუ­დენ­ტი, სტატიის გამოსაქვეყნებლად უნდა წარმოადგინოს შემდეგი დოკუმენტაცია:

• ორი რეცენზია (იხ. რეცენზიის გაფორმების წესი).
• გარე ორგანიზაციის სამეცნიერო საბჭოს მიმართვა სტატიის სტუ-ის შრომების კრე­ბულ­ში გამოქვეყნების შესახებ ორგანიზაციის ხელმძღვანელის ხელმოწერით და ორგანიზაციის ბეჭდით.
• თანხის გადახდის დამადასტურებელი ქვითარი.